Os días 24 e 25 de outubro abrimos a nosa biblioteca ao alumnado. Por cursos, coñeceron os temas a traballar este ano (as culturas e o teatro) e a lenda da biblio.
Os máis pequenos desfrutaron da historia de Lili, unha lebre ladroa de libros, a través de sombras. Os nenos e nenas de primaria tiveron que buscar libros segundo o código que recibían e finalizaron o xogo montando un puzle da nosa mascota.
Os nenos e nenas de 1º de primaria realizaron un podcast sobre a vida e
obra de Luisa Villalta, homenaxeada este ano no Día das Letras
Galegas. Un audio cheo de aprendizaxe e humor!
Esperamos que vos guste!
Aquí tedes os resultados dos Turlututús feitos cos lapis 3D e as historias creadas polo alumnado do cole.
Esperamos que vos gusten!
A ilustradora e escritora Laura Da Silva, máis coñecida como Titimoki, deixou a Pomodoro na casa para vir a facernos unha visita e ensinarnos como foi a súa creación. Durante a súa estancia ensinounos os seus bosquexos, explicounos o proceso dende a idea ata a publicación do libro e puidemos facerlle moitas preguntas. Finalmente, dedicounos o libro de visitas da nosa biblioteca e dous exemplares de Pomodoro. Con moito agarimo recordaremos este día e gardaremos os seus libros coma un tesouro.
